3 Chaloup ki t ap transpòte plizyè bandi ame pou ale nan komin Akayè te netralize anvan yo te rive sou kòt la. Se majistra komin nan, Wilner René, ki bay enfòmasyon sa a pandan patisipasyon li nan emisyon Panel Magik. Daprè majistra a, otorite kominal yo te resevwa enfòmasyon sou apwòch bato yo epi yo te transmèt alèt la bay pi gwo responsab nan Polis Nasyonal la. Fòs lòd yo te reyaji rapidman, kote yo te deplwaye 2 elikoptè pou entèvni.
Wilner René fè konnen bato yo ansanm ak moun ki te abò yo te detwi pandan echanj kout zam ak fòs lòd yo. Li pa presize konbyen moun ki te nan 3 bato yo.
