Daprè enfòmasyon fanmi li bay, fineray chantè ak gitaris ayisyen an Michael Benjamin alyas Mikaben ap chante dimanch 6 Novanm 2022 k ap pwoche la a. Se nan Eta Florid fanmi an pran desizyon pou di yon dènye orevwa ak atis la. Anmenm tan, fanmi an pwomèt ap gen yon kominike k ap sòti pou anonse ki dat k ap gen yon mès Ayiti nan memwa Mikaben.
Mikaben te mouri trajikman nan Accor Arena nan vil Pari samdi 15 oktòb pase a alòske l te fenk fin entèprete youn nan mizik li yo ki se « ou pati kite mwen ». Konpozitè mizik « Ayiti se » a te vale dlo bouch li aprè yon kriz kadyak.
