Yon jèn gason, idantifye kòm Sainvilus Claudin, arete samdi 19 septanm sa a nan ayewopò entènasyonal Okap la, pandan li t ap debake ak plizyè materyèl ki soti Ozetazini. Daprè enfòmasyon ki disponib, fòs lòd yo dekouvri yon fizi tip AR-15 nan bagaj li, ansanm ak plizyè ekipman, pami yo inifòm taktik, bòt ak kas balistik. Entèvansyon an fèt nan kad yon operasyon ki enplike plizyè inite fòs lòd nan Depatman Nò. Pami otorite yo site genyen DDN Ernst Dorfeuille, SMPJ Nò, UDMO ansanm ak komisè gouvènman Noel Mackenzy.
Pou moman an, pa gen okenn kominikasyon ofisyèl ki presize orijin zam nan ak lòt ekipman ki nan men Sainvilus Claudin yo
