Dapre enfòmasyon jounal Le Floridien pataje, senk (5) kandida ki gen orijin ayisyèn reyisi jwenn yon nouvo manda nan eleksyon ki dewoule madi 3 novanm 2026 la.
Pami pèsonalite politik ki renouvle manda yo, gen: Kassandra Timorthe, vis-majistra, ki konsève pòs li nan Distri 2 a. Mary Estimé-Irvin, konseye minisipal, reyeli nan Distri 3 a. Samson Borgelin, ki reyisi konsève fonksyon majistra vil North Lauderdale.
Mack Bernard, ki jwenn yon lòt manda kòm senatè nan Distri 24 la.
Berny Jacques, ki reeli kòm manm Chanm Reprezantan Florid la.
Rete pou konnen kisa renouvèlman manda moun sa yo pral pote kòm avantaj pou kominote ayisyèn nan nan vil sa yo.
