Jiskaprezan nan yon ti lokalite ki rele Moulen Sab gen plizyè mò pa bal e se bilan pwovizwa. Depi vè 11è nan maten jodi vandredi 10 fevriye a, bandi ak zam te retounen nan zòn Dyèg kote yo blese anpil moun pa bal. Yo pwomennen antre kay moun ki gen biznis, yo fouye moun nan lari pran kòb sou yo ak telefòn yo. Jis kounye a gen moun ki pran bal anndan lakay yo ki paka sòti pou ale Lopital daprè kèk abitan nan zòn nan.
Lapolis pa janm mete pwent pye yo nan kominote sa yo. Sou tout gwoup Whatsapp ak nan medya yo, abitan yo ap rele mande sekou men se anven.
