Paske li t ap fè jès ti zonnay sou pwòp pitit fi l an piblik, pastè Legliz “Porte Étroite” la te jwenn envitasyon pakè Pòtoprens, envitasyon li boude jodi mèkredi a. An menm tan, mèt Jacques Lafontant ekri sèvis imigrasyon pou entèdi pastè a kite peyi a pa vwa tèrès, maritim oubyen ayeryèn jiska nouvèl òd. Vle ou pa, pastè Lafleur ap reponn kesyon lajistis daprè chèf pakè Pòtoprens lan.
Komisè gouvènman an konfime li jwenn lèt demand ki mande l repòte envitasyon an pou 15 jou an men sa pa anpeche li adopte lòt mezi kont pastè a. Li toujou kenbe atik 283 kòd penal la kòm prèv ak videyo a.
