Bandi Kokorat San Ras ak Gran Grif atake zòn Mamon/Pòl, 7e seksyon kominal Sen Michèl Latalay, nan depatman Latibonit, maten madi 15 septanm nan. Daprè enfòmasyon nou jwenn nan men kèk abitan, atak la fè plizyè viktim pami peyizan yo. Gen moun ki mouri, pandan lòt moun blese ak kout bal. Atak sa a fèt kèk semèn aprè pòt-pawòl Polis nan Latibonit te anonse gen yon blende PNH ki disponib nan komin Sen Michèl Latalay pou konbat gwoup ame yo. Sepandan, kèk abitan fè konnen blende a rete nan bouk Sen Michèl.
Sitiyasyon sa a soulve kesyon sou kapasite fòs lòd yo genyen pou entèvni nan seksyon ki lwen sant vil la.
