Aprè 2 gòl Melchie Daëlle Dumornay alyas “Corventina” fin enskri nan match la, seleksyon nasyonal feminin ayisyèn nan mete do Chili atè 2 a 1. Malgre Nérilia Mondésir rate yon penal, sa pa anpeche Ayiti jwenn biyè a pou mondyal la ki pral òganize nan 2 peyi ki se Nouvèl Zeland ak Ostrali. Se nan baraj ti medam yo kalifye pou mondyal 2023 sa a.
Match la te difisil anpil pou medam yo paske ekip chilyèn nan t ap monte sou yo anpil men ak bon jan ladrès, yo rive mete do Chili atè e pèmèt drapo nasyonal la pral flote byen wo nan peyi Nouvèl Zeland ak Ostrali.
