Depi aprè Lapolis fin atake baz chèf gang Kraze Baryè a, l ap fè moun anpil menas. Non sèlman bandi k ap travay pou li yo ap ponmennen frape pòt kay moun pou konnen si yo gen rapò ak polisye men yo deside pou pyès moun pa fonksyone. Chèf gang Tòsèl la mande okenn machin oubyen moun pa pase nan limit kote l ye yo paske li nan batay. Popilasyon an plonje nan pwoblèm pi rèd.
Zòn tankou Tòsèl, Pènye, Wout Frè, Metivye, Doko, Ka Franswa, Meyòt pou n site sa yo ase, se ansanm kote ki sible pa chèf gang sa a ki deside pou fè lalwa jan lide l di l. Kilè Lapolis ap vrèman di yon bagay? Pyès moun pa konnen.
