Anpil biznis piye, lekòl pa travay, bandi yo vòlè anpil machin ak moto, yo kidnape plizyè moun Fòjak san konte telefòn moun yo sezi. Maten lendi 6 fevriye a, bandi san manman sa yo kidnape doktè Sadrac, moun lokalite Kalbas ak tout machin li vè 7è 45. Mesye yo mache libe liben ak zam nan men yo san okenn dout nan tout 4e seksyon Bèlvi Lamontay la.
Depi anviwon yon semèn, zago loray yo pa sispann simen latwoublay nan tout 4e seksyon Bèlvi Lamontay la. Dega sa yo pouse anpil moun kite lakay yo san bliye mache Grefen, ki pa fonksyone nan zòn sa a.
