Jounalis radyo Vision 2000 la, Jean Thony Lorthé te kite Pòtoprens nan yon Nissan Patrol pou rann li nan komin Kafou. Li ta pral patisipe nan fineray yon bèlsè li ki fèt jodi samdi 4 fevriye a. Daprè enfòmasyon ki disponib yo, se pa Boutilye li te pase ak kèk lòt moun akonpanye l. Depi vandredi 3 fevriye a vè 7è nan aswè, yo pat janm gen nouvèl travayè laprès la ankò jiskaske ravisè yo antre an kontak ak fanmi an. Poko gen twòp detay sou kisa bandi yo di fanmi konfrè laprès la
Travèse sòti Pòtoprens pou ale Kafou toujou rete yon gwo defi pou anpil moun. Menm polisye pa epanye. Anpil pwòch jounalis la swete malfra yo libere li san dèle.
