Prèske tout lekòl kanpe travay, anpil biznis fèmen pòt yo, moun prèske pa sòti al nan aktivite yo, depi ayè lendi a, anpil paran blije kenbe ti moun yo lakay paske yo pa konn kisa ki ka pase nan lari a. Majorite moun ki pran lari nan sektè enfòmèl la se an chat kalis e tout sa se pou yon sèl rezon; yo pa vle bandi fè ladènye sou yo pou kidnape yo oubyen pou yo resevwa katouch.
Nivo jan gang yo ap kontwole peyi a depase antandman prèske tout moun. Èske se Leta ki bay zago loray sa yo tout aksè sa yo? Yon sitiyasyon n ap kontinye swiv pou wè ki wout zafè gang sa a ap pran.
