Nan mwens ke 24 èdtan, to chanj Bank Repiblik Dayiti a ogmante de 2%. Si yè vandredi a li te 115,61 goud pou yon dola ameriken, jodi a li pase a 117,38 goud. Yon bagay ki kòmanse lage anpil moun nan konfizyon. Plis dola ap simaye sou mache chanj lan, se plis lavi chè a ap ogmante. Sou 20 dènye jou sa yo, Jean Baden Dubois gentan enjekte plis pase 30 milyon fèy vèt sou mache a.
Anpil ekonomis te deja di se desizyon pou fè ti moun dòmi paske sa pa t ap pote anyen kòm solisyon. Yon seri pratik ki lage anpil obsèvatè nan konfizyon alòske anpil manifestasyon ap fèt pou mande Leta jere zafè dola a.
