Lapolis nan depatman Nò a prezante bilan operasyon li yo pou mwa dawout 2026 la. Daprè pòt pawòl Polis depatman Nò a, Arold Jean, fòs lòd yo arete 437 moun nan plizyè zòn nan depatman an. Selon pòtpawòl la, kèk nan arestasyon sa yo fèt nan kad operasyon pou verifye pyès idantite sitwayen yo. Lapolis la rapòte tou ke li sezi plizyè zam afe pandan operasyon ki te mennen nan diferan lokalite.
Bilan sa a prezante nan yon kontèks kote otorite yo di yo ap ranfòse operasyon sekirite yo nan depatman Nò a, sitou nan zòn yo konsidere kòm sansib.
