Ansyen senatè Youri Latortue dwe fèmen dèyè kat miray pou l pase ant 3 a 7 lane daprè atik 4.5 lwa 12 mas 2014 ki baze sou kòripsyon. Se jij Marthel Jean Claude ki rann òdonans sa a e mande tribinal kriminèl pou tande ansyen senatè a. Rezon an se paske li enplike nan kòripsyon epi paske l itilize lajan Leta pou regle pwòp zafè l sou non manman l Immacula Cantave.
Si tout bagay mache byen mache, Youri Latortue ta dwe anba kòd avan lontan daprè òdonans jij la. N ap raple se ULCC ki te voye rapò sa a bay lajistis aprè yo te fin ankete sou chèf pati politik AAA a.
