Pou pi piti 3 moun mouri, plizyè blese nan komin Jeremi, depatman Grandans peyi d Ayiti. Moun ki mouri yo gen ladan yo yon manman ak 2 pitit li nan zòn Sentelèn. Se bilan yon tranbleman tè ki frape vil sa a maten madi 6 jwen 2023 a. Daprè responsab yo, se yon sekous ki pase a 5.7 sou echèl richtè a. Gen plizyè kay ki efondre.
Semèn pase a, te gen yon sekous ki te fèt sou depatman Grandans lan, men sa pat twò konplike. Jiskaprezan nèg k ap dirije yo poko pibliye okenn bilan ofisyèl sou sa ki pase maten an.
