EDE, GREH, PHTK, LAPEH, UNIR, MRN, MOPOD, OPL se kèk pami pati politik ki deside fè yon tèt ansanm e yo rele l « Front Uni » pou yo ka dechouke Ariel Henry. Ekip sa a fè konnen 7 fevriye 2024, wè pa wè y ap mete do Ariel atè pou yo pran pouvwa a. Claude Joseph ak Edgard Leblanc Fils, se 2 prensipal lidè Front Uni.
Sa ki parèt flou nan dosye sa a, se paske Claude Joseph k ap itilize lanmò Jovenel pou l reparèt tèt li politikman chita sou menm tab ak Liné Balthazar, youn nan moun ki gen non l site nan krim ki fèt sou Jovenel Moïse la.
