Nouvèl la tonbe tankou yon boulèt kanno nan zòrèy responsab lame amerikèn yo. Yon avyon chas peyi Larisi kraze yon dwon ameriken ki pote non MQ-9 sou lanmè Nwa jounen madi 14 mas 2023 sa a. Yon ensidan ameriken kondane e pase anbasadè ameriken nan peyi Larisi a lòd pou l transmèt bay gouvènman Larisi a nan ki nivo lame amerikèn deranje akoz zak sa a. Yon enfòmasyon peyi Larisi deja demanti.
John Kirby ki se Pòt Vwa konsèy sekirite nasyonal peyi Etazini wè bagay sa a kòm yon aksyon ki manke reflechi epi trè danjere. Dwon nan pèdi nèt aprè kolizyon sa a daprè sa gouvènman ameriken an rapòte.
