Anpil sitwayen konsenkan pa sispann pran pozisyon yo konsènan fen manda Prezidan Repiblik la Jovenel Moïse. Judith Exavier, ansyen Konsil Ayiti nan Santiago (Repiblik Dominikèn), mande lokatè palè nasyonal la, respekte konstitisyon an, kite pouvwa a 7 fevriye 2021.
“Menm janm te konn mande respekte manda prezidan an, m ap mande prezidan an respekte konstitisyon an”, deklarasyon ansyen konsil la, nan yon pòs sou paj fesbouk li.
Judith Exavier ale pi lwen pou l di koken pa ladann. Leve kanpe se yon devwa sitwayen pou fè respekte konstitisyon an, ki se matris peyi a.
Reyaksyon yo pa sispann, kote anpil sitwayen, menm jan ak kèk òganizasyon nan tout kouch nan sosyete a, mande Jovenel Moïse respekte atik 134-2 konstitisyon 1987 la, ki di manda l ap fini.
Jeff Jean Joseph
