Aprè yon plent pati politik Thirdway Alliance k ap evolye nan peyi Kenya depoze, Wot Kou Jistis peyi sa a deside bloke desizyon ki mande pou gen entèvansyon polisye kenyan sou Ayiti jiska 29 oktòb sa a. Otorite jidisyè yo pran mezi sa a paske daprè sa yo di, gouvènman an poko founi ase prèv pou sa e anplis Palman kenyan poko bay apwobasyon l pou sa. Si gen prèv ki bay atravè yon dokiman ekri, desizyon an ap ka pran.
Depi aprè Konsèy Sekirite Nasyon Zini an fin aksepte pou fòs miltinasyonal sa a debake an Ayiti a, sosyete sivil la ak klas politik la nan peyi Kenya pa sispann mete an dout kapasite fòs kenyan an pou vin dirije misyon sila a.
