Direktè Ofis Nasyonal Aviyasyon Sivil Ayisyen an (OFNAC), ki se Laurent Joseph Dumas fè konnen desizyon ki pran pou kanpe vòl Ayiti-Nikaragwa yo pa yon desizyon definitif. Ayisyen ap rekòmanse vwayaje aprè otorite yo fin mete plis disiplin nan fason vòl yo ap fèt, daprè Direktè a. Gen enstriksyon ki pase pou vòl yo pi byen òganize paske jan y ap fèt kounye a, sa kapab debouche sou gwo deblozay, si n kwè pawòl responsab OFNAC la.
Kesyon ki dwe poze kounye a se: poukisa dokiman k ap sikile a pat sikile avan? Kòman fè kou Ayiti kanpe vòl Ayiti-Nikaragwa yo, Sendomeng reprann vòl li ak Ayiti? Poukisa se sèlman Sunrise ki gen otorizasyon mennen ayisyen yo Nikaragwa e se si l vle pou l bay lisans ak lòt avyon? Nan tout sa yo, swadizan gouvènman sa a dwe peyi a eksplikasyon.
