Nan dènye rapò ULCC sòti a, li mande pou Pakè Pòtoprens mete aksyon piblik an mouvman dèyè ansyen senatè Nenel Cassy pou fo deklarasyon patrimwàn. Ansyen senatè a te di li gen 2 kont nan BNC, lè anketè yo al fouye yo jwenn li gen 4 lòt kont. Youn nan Unibank e 3 lòt nan BNC. Nan kont Unibank lan, ansyen senatè a gen 28 milyon goud sou li e toujou selon ULCC, nan yon sèl jou, ansyen manm SDP a te konn fè 3 depo sou li.
Anketè ULCC yo, nan rapò sa a, presize pou yon lòt Nenel Cassy te bay manti nan dènye deklarasyon patrimwàn li an. Kounye a popilasyon an ap tann li nan kafou malè a paske l pral pran laprès pou l di se manti.
