Dimanch 19 novanm 2023 a, gouvènman peyi Latiki a voye tounen 334 ayisyen ki te an grann difikilte nan peyi sa a. Se yon vòl “Air Anka” ki te plane sou Ayewopò Entènasyonal Tousen Louvèti pou vin depoze resòtisan ayisyen sa yo. Tout ayisyen sa yo se jèn ki t ap fè fas ak pwoblèm chomaj, grangou, genyen ki te nan prizon e yo te menm ap jije yo selon koulè po yo.
Gen anpil lòt ayisyen ki nan peyi Tiki ki espere menm desizyon sa a pran pou yo tou paske se yon kalvè y ap monte nan peyi sa a. Te deja gen plizyè apèl yo te lanse bò kote gouvènman ki la a, men Ariel Henry pat okipe yo.
