Nan yon rezolisyon ki pote dat 9 oktòb 2022 a, ti rès Sena a pran yon rezolisyon pou mande premye minis Ariel Henry kanpe sou zafè l ap mande fòs etranjè vin debake sou tè papa Desalin nan. Daprè sa yo ekri nan rezolisyon sa a, yo di desizyon an pran dèyè do lalwa.
Senatè yo fè konnen se yon wont pou Ayiti rive nan Kafou malè sa a. Yo mande menm jan anpil lòt enstitisyon ap egzije sa a pou tout aktè yo mete tèt yo ansanm pou jwenn yon solisyon ak kriz la. Malgre mo tèt ansanm nan se nan diskou l chita se pa nan aksyon.
