Yon tranbleman tè ki mezire 5.6 sou echèl Richter frape Repiblik Dominikèn jodi mèkredi 1e fevriye 2023 a vè 7è 11 maten an. Zòn ki souke plis la se Peravia Bani daprè sa jounal dominiken Listin Diario ekri. Pa gen moun mouri ni pa gen twò gwo dega ki anrejistre. Se jewològ dominiken Osiris de Leon ki konfime enfòmasyon sa a. Tranbleman tè sa a se sou menm fay ki te bay goudougoudou 12 janvye 2010 la li sòti tou.
Ayiti ak Sendomeng pataje prèske menm fay sismik yo daprè espesyalis yo. Yon nouvèl ki ta dwe mande pou peyi d Ayiti fè plis preparasyon nan sans sa a.
