Daprè sismològ yo, episant lan sitiye nan vil Puerto Plata an Repiblik Dominikèn. Byen bonè nan maten, jedi 18 me a, daprè sa otorite ki la pou sa yo rapòte, tè a tranble ak yon magnyetid 5.2 sou echèl Richter a lakay vwazen e Okap pran kèk sekous tou. Gen 2 lòt sekous ki te pase ankò vè 4è 56 e vè 5è 28 nan menm matine a. Erezman pa gen okenn dega materyèl ki anrejistre aprè sekous yo ni pa gen moun mouri.
Daprè sismològ yo, gen 6 replik ki te fè santi yo tou ba nan vil Santiago ak Puerto Plata kote episant lan ye a. N ap raple Okap ak Sen Domeng gen menm fay sismik ki travèse yo.
