Ministè Defans Repiblik Dominikèn anonse li ap mennen ankèt pou konnen kijan katouch kalib 50 ki te fabrike nan peyi a depi plizyè dizèn ane, rive nan men gang 400 Mawòzo a an Ayiti. Enfòmasyon sa a soti nan yon rapò Gwoup Ekspè Konsèy Sekirite Nasyonzini an pibliye sou trafik zam ak minisyon ann Ayiti. Dapre rapò a, omwen 15 sou 32 katouch kalib 50 ekspè yo te dokimante nan men gang 400 Mawòzo a pandan ane 2026 la te fabrike nan Repiblik Dominikèn. Katouch sa yo te idantifye kòm minisyon ki soti pwodiksyon peyi a.
Nan yon deklarasyon ki te pibliye 8 oktòb 2026, Ministè Defans dominiken an fè konnen, malgre kolaborasyon li ak Gwoup Ekspè Nasyonzini an, li poko kapab etabli sikonstans egzak ki fè minisyon sa yo rive sou teritwa ayisyen an.
