Ernso Jacques, se yon ayisyen ki mouri madi a nan lopital Dajabón aprè yon manb Ògàn Espesyalize pou sekirite fwontyè terès yo (CESFRONT) fin bat li, ayisyen an te atake sòlda ak yon zam blanch oparavan.
Ensidan rive tou pre yon detachman militè nan La Vigía, pandan 2 nan sèjan lame dominikèn lan ki afekte nan CESFRONT t’ap fè patwouy nan rejyon sa, yo wè Ernso Jacques, ki t ap travèse fwontyè a ilegalman avèk yon kat idantite ayisyèn, 1175933717, daprè CESFRONT.
Nan yon nòt Ògàn espesyalize a fè konnen, yon patwouy te bay ayisyen an lòd pou l kanpe, men etranje a te atake youn nan militè yo, kaporal Hernández, avèk vyolans, frape l, jete l atè epi chire inifòm li. Nan menm moman Ayisyen te rale yon zam blanch nan senti l pou defann tèt li ak sove vi l, sòlda CESFRONT lan te oblije tire sou li avèk pistolè sèvis li.
Patwouy la te transfere Ernso Jacques lopital pou resevwa swen, men li mouri.
Pooshy Rosana
