Pwokirè federal ameriken yo akize Rafael Guerrero nan kad ankèt sou asasina ansyen prezidan ayisyen an, Jovenel Moïse, ki te mouri 7 jiyè 2021 nan rezidans li nan Pèleren 5. Daprè tribinal la, Guerrero ta patisipe nan reyinyon kote yo t ap prepare yon operasyon pou ranvèse Jovenel Moïse. Yo akize l tou dèske li te sèvi kòm temwen pou garanti yon liy kredi 175 000 dola ki te lye ak finansman pwojè a.
Aprè asasina a, Guerrero ta patisipe nan yon reyinyon ak lòt moun ki site nan dosye a pou diskite sou fason pou kache patisipasyon yo.
