Prezidan Repiblik la, Jovenel Moïse, nome, nan yon arete ki pibliye nan jounal ofisyèl peyi a “Le Moniteur”, yon komisyon nan tèt meri komin Kwadèboukè a.
Kòm manb, komisyon minisipal sa a genyen Wesnel Edrouine Pervil Jean, Prezidan, Milfort J. Alfred, manb ak Santia Tingue, manb.
Komisyon sa a ranplase konsèy minisipal Rony Colin t’ap prezide a.
Chèf leta a pran desizyon pou nome komisyon sa a nan tèt meri Kwadèboukè a aprè 3 mwa depi manda Rony Colin ak rès manb yo te rive nan bout li.
N’ap raple lokatè Palè nasyonal la te swete Rony Colin, manb Sektè demokratik e Popilè a, rete nan tèt meri a pou asire enterima a. Yon òf M. Colin te refize.
Wilner Jean
