Yon gwoup ayisyen pran desizyon pou fèmen fwontyè a e yo di yo pa konn kilè y ap relouvri l. Ayisyen sa yo pran desizyon sa a poutèt fason sèvis migratwa peyi sa a ap depòte ayisyen san papye yo. Pwotestatè sa yo di yo pa gen pwoblèm ak depòtasyon an men li fèt twò brital.
Anpil fwa, ayisyen ki san papye imigrasyon dominikèn arete nan lari yo, yo pa menm ba yo chans pou y al pran rad mete sou yo e menm gen kontwòl pitit yo. Yon sitiyasyon ki mete anpil nan moun sa yo nan kè kase pou fason y ap trete yo mal. Nou dwe raple ayè, minis Zafè Etranjè Ayiti a te mande Abinader frennen sou fason depòtasyon an ap fèt.
