Peyi Lafrans, nan vwa anbasadè li a ki akredite nan peyi Dayiti, José Gomez, deklare nan premye oktòb 2020 an, nan vil Jakmèl, kondisyon yo pa favorab pou òganizasyon eleksyon k’ap vini yo nan peyi a.
«Se vre peyi Dayiti bezwen eleksyon lib, onèt ak demokratik, men kondisyon yo poko reyini pou sa», se pozisyon peyi Lafrans, a travè reprezantan l lan, José Gomez, ki t al patisipe nan seremoni enstalasyon Jean Yves Boucher kòm Konsil onorè peyi Lafrans nan vil Jakmèl.
Diplomat la mande pou otorite yo kreye kondisyon teknik ak egzistans yon lis elektoral kredib.
Si Etazini deja bat bravo pou nouvo Konsèy elektoral pwovizwa a (KEP) prezidan Repiblik la, Jovenel Moïse, mete sou pye, Lafrans, youn nan manm enflyan nan Core Group la, pa pataje menm pozisyon avèk Tonton Sam.
Wilner Jean
