Divès benefisyè ki gentan ale Etazini nan kad pwogram Biden nan gen difikilte pou yo fè lisans pou yo kondwi machin. Se sitou nan Eta Indiana ka sa yo repete selon sa jounalis Luckson St Vil rapòte. Daprè sa kèk avoka nan zafè imigrasyon fè konnen, gen Eta Ozetazini migran ki vwayaje sou pwogram Biden nan pa gen aksè fè “pèmi kondwi yo”. Yo konseye yo ale nan lòt Eta pou fè lisans sa a.
Se pa tout Eta nan peyi Meriken ki gen menm prensip oubyen lwa. Yo chak gen metòd yo fonksyone sa ki fè avoka sa yo mande moun k ap antre yo pou yo fè anpil pridans sou kèk pwen.
