2 000 ayisyen, 4 700 kiben ak 800 nikaragweyen se kantite migran ki deja gen otorizasyon pou ale lakay Tonton Sam nan kad pwogram administrasyon Joe Biden nan mete sou pye a. Moun sa yo deja gen bon jan papye nan men yo e li rete sèlman pou yo pran avyon epi antre Etazini daprè enfòmasyon ki disponib yo.
Pa gen okenn dout sou bon kote pwogram sa a ki deja wè plizyè dizèn migran k ap dodomeya nan lakou Etazini. N ap raple pou yon moun benefisye pwogram sa a, fòk se yon manm fanmi w ki Etazini ki pou aplike pou li.
