Stéphy Graph ki te dwe ale nan peyi Nikaragwa fè konnen ajan imigrasyon vyole l devan pitit gason l ki gen 4 lane, nan Ayewopò Las Americas an Repiblik Dominikèn. Nan vèsyon pa otorite dominikèn yo, non sèlman yo pa mansyone dosye vyòl la nan rapò yo a men yo di se ak yon fo viza Stéphy t ap vwayaje. Yo transfere plent viktim nan nan biwo yon pwokirè men yo anonse yo pral mennen yon ankèt.
Daprè otorite yo kay vwazen, plent Stéphy a transfere an fòm lèt ofisyèl nan nimewo DJ-1737-2023, ki sòti n’a Biwo Depatman Legal, nan Biwo pwokirè Santo Domingo Lès la yon mannyè pou yo kapab demare ak ankèt la. Kiyès k ap fè divèsyon ant 2 pati yo? N ap tann rezilta ankèt la.
