Aprè yon reyinyon ayè dimanch lan ant gouvènman Luiz Abinader la ak Konsèy Sekirite peyi a, yo pran mezi pou fèmen fwontyè Dajabón nan e mete sou sa, yo di yo p ap bay ayisyen viza pou ale lakay yo, tout tan konfli ki gen Wanament la pa kanpe. Se sa gouvènman an pibliye nan yon kominike maten an alòske moun Wanament di yo p ap kanpe kaptaj rivyè Masak la.
De tout fason, daprè kèk analiz, se paske Luiz Abinader remake gouvènman ayisyen an pa kanpe sou anyen. Sinon li pa t ap fè frekansite sa yo. Se ta yon bon moman tou pou ayisyen ta kite tout pwodui dominiken yo gate sou fwontyè a.
