“Nou ranfòse Fòs Lame a, ki jodi a gen pi bon ekipman e byen prepare pou lè entèvansyon an rive. Kounye a n ap fè atansyon espesyal pou nenpòt nan moun sa yo, nan eleman sa yo ki te patisipe nan gang, nou idantifye non tout, nou gen yon baz done pou chak nan yo e li pral trè mal pou yo si yo mete pye an Repiblik Dominikèn”, se mesaj Luis Abinader voye pou bandi yo ki panse yo pral kache lakay li avan fòs miltinasyonal la rive Ayiti.
Prezidan dominiken an di bandi yo te konn jwenn pwoblèm, se kounye a yo pral jwenn difikilte paske y ap siveye yo de prè. Chèf Leta a ajoute pou l di Sendomeng p ap voye militè an Ayiti tou paske yo gen yon istwa ansanm e yo pataje menm fwontyè.
