Akoz yon travay kanalizasyon k ap fèt nan rivyè Masak, gouvènman dominiken an atravè minis Zafè Etranjè li, Roberto Álvarez, mande Leta ayisyen kanpe travay sa a rapidman. Yo di Ayiti vyole yon trete lapè ak zanmitay ki te siyen an 1929. Gouvènman dominiken an panse se detounen Ayiti ap detounen dlo a alòske yo menm yo deja kapte 11 branch nan rivyè Masak la.
Otorite nan peyi Sendomeng antre sou sòl peyi d Ayiti a, yo fè sa yo pi pito, jan yo vle sitou nan zòn fwontyè a. Travay kaptaj sou rivyè Masak la te lanse lontan sa men jiskaprezan li poko ka fini, kounye à dominiken mande pou l kanpe.
