Daprè yon responsab nan peyi Etazini Laurent Lamothe te gentan lage kò l nan mawon depi nan fen mwa me ki sot pase a. Nan moman an li pa sou sòl ameriken a paske l te gentan gen nouvèl sanksyon an. Se 30 me 2023, lè yo fin konfime li deplase yo tou deside anonse sanksyon kont li pou l pa retounen sou tèritwa ameriken an paske l te regle zafè l ak yon bon kou nan lajan Petwo Karibe a e kontribye nan kreye dezòd nan peyi a.
Jounen vandredi 2 jwen an, otorite yo nan peyi Etazini, jan Antony Blinken anonse l la, anpeche Laurent Salvador Lamothe mete pye l sou tèritwa yo a akoz li te itilize 60 milyon dola Nan kòb Petwo Karibe a pou regle zafè pèsonèl li.
