Nan yon lèt li rann piblik jodi lendi 21 novanm nan, men sa Laurent Lamothe, ansyen premye minis la deklare:”sòti 2012 pou rive 2014, pa gen moun ki te ka batay kont gang pase m Ayiti. Mwen gen meyè bilan nan kraze rezo kidnapè atravè yon politik zewo tolerans. Mwen te elimine zòn de non dwa yo e arete anpil pèsonalite piblik ki nan gang…”. Pi lwen li di nan lèt la se kèk manm nan gouvènman sa a k ap sipòte ak finanse gang e yo rayi l koz l ap mande jistis pou Jovenel Moïse.
Laurent Lamothe mande Kanada pou l bay prèv pou sa li repwoche l yo. Li menm mete yo defi yo paka pwouve sa yo repwoche l yo. Pou ansyen PM nan, se yon desizyon abitrè yo pran kont li e deklare li pral defann tèt li. Laurent Lamothe egzije eskiz piblik nan men peyi Kanada.
