Gang Izo 5 segond la ak kèk akolit li mete dife nan 2 blennde lapolis nan zòn ti Tanyen ayè mèkredi a, bò Siman Nasyonal. Polisye Lile Valnes sòti blese, yo poko gen nouvèl Roberto Charleton. Aprè dram sa a, daprè sa nou aprann, Izo ekri yon mesaj kote li di Vilaj la gen lajan men li bezwen mò, li anvi bwè san polisye. 2 blennde sa yo t ap sot depoze lòt polisye daprè sa yon sous konfime.
Jiskaprezan Ariel Henry pa konsyan de danje ki plane sou tèt polisye yo ki pran risk al depoze frè zam yo pa vwa tèrès alòske tout wo kòmandman twouve yo Okap. 2 cha an mwens pou lapolis ki pa menm gen ase pou jere ensekirite a.
