Nan lide pou konbat ensekirite a nan peyi a, Gouvènman ayisyen an pase lòd pou okenn machin prive, leta kou piblik, pa sikile san plak sou teritwa nasyonal la.
Nan yon nòt nan dat 9 novanm 2020 an ki pote siyati minis MICT a, Audain Fils Bernadel, ministè enteryè ak kolektivite teritoryal yo alète tout pwopriyetè ak chofè otomobil yo, chofè motosiklèt ak veyikil ak motè yo, lapolis jwenn lòd pou arete tout moun k ap sikile ak machin san plak nan peyi a.
Dispozisyon sila ki pran nan tèt kole avèk Konsèy siperyè polis nasyonal la (CSPN), ap pèmèt otorite yo kontwole zak kidnapin pou lajan ki vin kouran dènye tan sa yo, epi pou tabli yon klima sekiritè sou tout etandi teritwa nasyonal la.
Pooshy Rosana
