Fòs lòd yo fè yon gwo kout filè ayè jedi 11 mas la. Nan kout filè sila plizyè prezime bandi rive jwenn arestasyon yo. Lapolis arete Robenson Fanfan ki se kouzen Bourgoy chèf « gran ravin nan» Emilson Thomas, sòlda Bourgoy epi Sekirite Natalie Vil ki se madan Bourgoy.
Toujou nan kad gwo kout filè sa a, Juliana Ancene, madan Killy ( ki se frè Bourgoy), Esterve Jamson ki se Ansyen sòlda Tije (chèf gang savann pistach) aprè lanmò Tije ki te al jwenn bourgoy, li te pèdi yon zye li nan afwontman ant tibwa ak gran ravin, tout rive pran kòd nan men fòs lòd yo.
N ap raple pou kounya foto mesye dam sa yo ap fè laviwonn dede sou tout media sosyo yo kote nou kapab wè yo tout mare de bra dèyè. Haïti News ap kenbe w enfòme konsènan dosye sila annatandan PNH la bay yon pwen pou laprès.
Jeff Jean Joseph
