Aung San Suu Kyi, ki se chèf gouvènman Bimani, pran koudeta byen bonè lendi a nan men lame peyi a. Rebèl yo arete l ak tout prezidan Repiblik la Win Myint, pami kèk lòt responsab.

Jeneral yo, ki mande pèp la swiv mouvman, kapote rejim nan san yon gout san pa koule, men sa pa anpeche kèk nasyon nan mond lan kondane ”Putsch” la.

Plizyè militè deplwaye sou teritwa epi pwoklame yon eta ijans k ap dire yon lane. Yo repwoche eleksyon lejislatif ki te fèt nan novanm lan genyen fwod.

Fanm 75 lane a, ki se Pri Nobel lapè 1991, te ranpòte eskriten an sou tout teritwa, san konte pati l la, Lig nasyonal pou demokrasi (LND), sou pouvwa depi lane 2015.

Lame a, k ap eseye plonje peyi a nan yon diktati militè, gentan plase plizyè jeneral nan pòs prensipal yo, tankou vis prezidan Myint Swe, k ap dirije kòmandman militè a tou, ki vin prezidan pa enterim.

Pooshy Rosana