Nan yon operasyon gason pa kanpe nan komin Kwadèboukè, nan zòn Gedon, PNH la rive jwenn bout youn nan pi gwo chèf gang ki t ap simen latwoublay nan zòn sa a. « Kòlèg » se non chèf gang sa a ki jwenn lanmò l ansanm ak 2 lòt akolit li pandan operasyon sa a ki te mennen mèkredi 2 Out ki sot pase la a.
Se polis nasyonal la atravè pòt vwa l Gary Dérosier ki konfime nouvèl la. Li fè konnen, pandan operasyon sa a, yo sezi 2 pistolè youn gen pou mak Smith et Wesson, seri FZS8436 ak yon Beretta seri l se PZ4893B. Polisye yo sezi plizyè lòt materyèl ak yon moto Haojin san plak toujou nan menm operayson an nan sou wout nasyonal nimewo 1 an.
N ap raple, Kòlèg ak baz li a te konn patisipe nan detounman kamyon machandiz ak anpil lòt zak malonèt ankò.
