Nan yon ti kozri ak nasyon an, jodi lendi premye fevriye a, sou paj Facebook la prezidans lan, Jovenel Moïse fè konnen kidnapinn nan gen marenn ak parenn, jou leta komanse mare moun sa yo, piga pèsonn di se pèsekisyon politik.
Daprè lokatè palè nasyonal la, zak kidnapinn k ap fèt nan peyi a gen mèt. N ap mennen yon batay san pran souf pou m trake tout malfra k ap kreye terè anndan peyi a. “Moun k ap itilize kidnapinn nan pou kreye yon klima ensekirite anndan peyi a, lajistis ap trake w”, deklarasyon Jovenel Moïse.
Jovenel Moïse kwè pil ka kidnapinn k ap fèt yo la se yon fason pou kapab bòykote machin elektoral la. Nimewo 1 palè nasyonal la pat rate okazyon pou l te pwofite choute sou advèsè politik li yo.
Jeff Jean Joseph
