Opozisyon an kontinye defye Prezidan Repiblik la, Jovenel Moïse. Nan yon “Tweet” sou kont ofisyèl li, pòt pawòl sektè demokratik ak popilè a, Mèt André Michel fè konnen, Jovenel Moïse pap kapab vin fè diskou Gonayiv premye janvye 2021.
“Jovenel Moïse pap ka vin fè diskou l nan vil Gonayiv premye janvye 2021. Rezolisyon sa a pran ayè mèkredi nan lannwit, nan Site Endepandans lan, nan yon reyinyon tab konsètasyon opozisyon an. Batay la ap kontinye”, deklarasyon Mèt André Michel.
N ap raple opozisyon an kanpe sou pozisyon l, kote yo fè konnen manda Jovenel Moïse ap fini 7 février 2021. Malgre Jovenel Moïse kote pal pa sispann klewonnen mandal ap fini 7 fevrye 2022.
Jeff Jean Joseph
