Jan asosyasyon transpò yo te anonse l pandan tout semèn pase a, lendi premye ak madi 2 fervye se grèv jeneral nan tout peyi a. Pou maten lendi premye fevriye a se yon jounen totalman reyisi. Antrepriz yo ak lekòl nan divès rakwen nan peyi a rete fèmen.
Aprè yon ti vire won nan plizyè pwen ki konn gen estasyon machin tankou Sent klè kote machin chaje pou ale taba ak wout frè vid, nou ka remake sèlman kèk grenn moto. Petyonvil bò ansyen simityè pa gen machin ki chaje pou desann nan komin Dèlma.
Pòtay Leyogàn ki reyini plizyè estasyon machin pou plizyè vil pwovens, blanch tankou koton.
2 jounen grèv sa sektè sendikal asosyasyon chofè yo lanse a, se nan objektif pou di non ak zak ensekirite k ap taye banda anndan peyi a.
Jeff Jean Joseph
