Gen yon entrepriz kanadyèn ki pote non Unigold ki dwe al esplwate min lò sa sou zòn fwontyè Dajabón nan daprè AyiboPost, men se sou pati pa Ayiti a. Unigold ap tann aksè nan men Gouvènman Repiblik Dominiken pou sa. Se sou plis pase 20 mil ekta tè antrepriz sa a ta dwe louvri kò l, li kapab ranpòte yo anviwon 60 milyon dola ameriken chak ane.
Daprè enjenyè Claude Prépetit, ki responsab biwo min nan peyi d Ayiti, yo pa okouran de desizyon sa a, paske Repiblik Dominikèn pa di yo anyen. Sèlman sa dwe jere de fason diplomatik selon enjenyè a. Moun ki n’a zafè anviwonnman Sendomeng di si fouy sa a rive fèt, li ka lakoz yon gwo katastwòf anviwonnmantal e kapab menm lakoz flèv Latibonit la kontamine.
