Stepenson Jermaine alyas Gaspiyay, 2e chèf gang baz 400 mawozo nan Kwadèboukè vale dlo bouch li jounen jedi 27 avril la. Daprè enfòmasyon nou rive jwenn, Gaspiyay te gen yon maladi ki sezi l semèn pase a, li pat kapab ale Lopital, nan fè rezistans, misye fè vwèl pou peyi san chapo paske l pat kapab sipòte ankò. N ap raple Etazini te mete 1 milyon dola sou tèt towo sa a pou nenpòt moun ki ta fè yo pran l.
Gaspiyay se youn nan chèf gang ki fè anpil dega nan peyi a. Touye moun, kidnaping, vòl, vyòl, detounman kamyon machandiz, se te bawon Plèn nan nan sans sa a. Sa fè 2 chèf gang ki tonbe nan mwens ke yon semèn.
